Yyyystooooo!! So, sinn alli in Reih und Glied? Denn kaa dr Marsch ins Fasnachtsdytsch aafoo. S isch Daag drey vo d Fasnacht und ich glaub, ich ka ziemlig sicher resümiere: D Byggolo und ich, mir wärde gai Fründe meh. Fokussiere mir uns dämfall uffs Drummle. Hesch gwüsst, was e Mammebabbe isch? S isch d Aafang vomene Drummelwirbel. Und was isch e Drummelhund? Öpper wo e begeischterte Drummler isch. Sehr luschtig findi, dass d Drummel au Kiibel gnennt wird. Sit em Zyschtig bin ich imfall e grosse Fan vo d Guggemusik (wie geil sinn bitte d Schotte?!), sorry Byggolo, du Tinnitus-Monschter. Jetzt freu ich mich uff dr Cortège und noch meh Gugge … und e letschts Mol gässle.